الفرق بين تفكير الراجل و تفكير السيده

مين بيفكر احسن الراجل ولا الست ؟

مساء الخير علي كل الناس اللي بتتابعنا هنتكلم انهارده عن تفكير الراجل وتفكير الست

– الرجالة والستات مختلفين كل واحد منهم لية طريقة تفكير مختلف عن التاني تماماً

و ده بيخلي  في خلافات بينهم لان كل واحد بيفترض ان التاني لازم يتصرف ويفكر زية

مثال : واحد ومراته شافوا عربية جديده في الشارع الست هتبص علي لونها  وتكييفها قوي ولالا  و هتليق عليها ولالا ولون الفرش من جوا

بس الراجل هيبص علي اذا كانت العربية الماني و لا صيني معدلات الامان  و الايرباجز ومعدل استهلاك البنزين  وكل ده مناسب لسعرها ولالا

-الستات :الستات بتهتم بالتفاصيل جداً عكس الرجالة اللي بيبصوا علي الصورة الكاملة .

متفتكريش ان جوزك هيهتم بتفاصيل صغيره زيك

بقي ممكن تبقي مغيره لون شعرك وهو ما يخدش باله كل بس اللي ممكن يقواة ان فيكي حاجة متغيرة انهارده ودي الصورة العامة مش التفاصيل .

و قيس علي كده كتير فالست بتشوف الراجل في الاخر انه مش مهتم والراجل يشوف الست مهتمه بحاجات هايفة

-2- الشكوي :

عقل الراجل متبرمج علي حل المشاكل

فلو في شكوي لازم تتحل ودي حاجة   ساعات بتزعج الستات

علشان الست  بتكون محتاجة بس تتكلم او تفضفض مش بتدور علي  حلول

-تعبت  من الشغل  / نشوف شغل تاني

–  الجو برد  / البسي تقيل

– اتخانقت مع صحبتي    / متكلميهاش تاني

-هنا الست مش بتدور علي حل هي بس عوزاك تسمعها من غير ما تقدملها حلول

– الضغوط

في فرق كبير بين الراجل والست في التعامل مع الضغوطات

الراجل  لما يكون عليه ضغوطات بيحاول ينفرد بنفسه  علشان يفكر  و يحل المشاكل  ومبيطلبش المساعده من مراته علشان بالنسبة له ده ممكن يكون ضعف

والست بتستغرب جداً   من الاسلوب ده و بتقعد تقول هو لية كده واخد جنب ؟ ما يقعد يتكلم معايا ؟ لية  مش بيشاركني ؟ هو انا مش مراته ؟ اووووف

اية الاهمال ده

الرجاله ساعات ممكن تلاقيهم قاعدين قدام التلفزيون متنحين  ومش بيردوا علي حد او قاعدين بيقلبوا بالريموت  ومش بيتفرجوا اصلا علي حاجة

 اعرفي انه مضغوط وعنده  مشكلة الموضوع ملوش دعوه بيكي انه مش مهتم بيكي خالص  بس هي دي طريقة الراجل لما يكون عليه ضغط

الست

الست بقي مختلفة تماماً . بتواجه الضغط بالتنفيس عن ضغوطها

يعني تكون داخل من الشغل وتلاقي  مراتك عماله تحكيلك مشاكل او تشتكي هي كده بتنفس عن الضغط اللي جواها فمتقفلهاش او تطنشها علشان متنفجرش

لازم تسيبها تنفس و بردوا بنسبة 90% هي من غير حلول  هي عيزاك تسمعها

الستات بيشتكوا ان الرجاله ساكتين والرجاله بتشتكي ان الستات رغاية و بتتكلم علي الفاضي والمليان

وده علشان في اختلاف ما بينهم

الراجل مثلا بيتكلم في التليفون علشان يوصل معلومة او يسال علي معلومة

– الست بتتكلم علشان لازم تتكلم هي بتتواصل بتكلم مامتها , 2 من صحابها تعرف اخبارهم طابخيين اية انهارده اية  الجديد المسلسل ده حلو  الممثلة الفلانية عملت  عملية كذا ……………… او كانت لابسة اية امبارح

اللي بالنسبة للراجل حاجات هايفة ورغي فاضي بس في الاخر ده طبيعة الست ودي طبيعة الراجل

–الستات عادتاًمش بيصرحوا باللي هما عايزينه بطريقة مباشرة عكس الرجاله اللي بيقولوا اللي هما عاوزينه علي  طول.

اديكوا مثال : مراتك جت  قالت لك تحب ننزل نتغدي بره وانت مش عاوز فهتقولها لا

انت فاكر انها  بتسالك اذا كنت عاوز ولالا  بس في الحقيقة هي اللي عاوزة تنزل

فممكن تزعل من  ردك علشان انت مش هتنزلها تخرج

يبقي اتفقنا ان في اختلاف جوهري بين تفكير وطريقة الراجل  وتفكير  و طريقة الست  و ده السبب الاساسي للمشاكل اننا مش فاهمين بعض   وبقيم الامور بتفكيري  و طريقتي انا مش بطريقة و تفكير شريك حياتي لو  فكرت وقيمت الموقف  بعد ما  اسمع الللي قدامي الحياه هتختلف تماماً