اجمل و أسواء يوم فى حياة كل أب

كيف يمكن ان يكون يوم واحد هو الاجمل و الاسواء فى حياة الاب ؟

اجمل و اسواء يوم في حياه كل اب هو يوم واحد يوم جواز بنتة

طبعا انا بتكلم علي العائلات الطبيعية و السليمة تربوياً  و نفسياً اللي البنت حبيبة ابوها و مصدر السعاده و الحنية للاب

الاب اللي عرف ازاي يربي بنته بالحب و التفاهم والاحتواء و الحوار ,انه يكون قريب من بنته و يقرب منها ,يكونوا اصحاب بيدلعها و  يشد عليها ساعات

كنت بنصح علي طول كل اب انه لازم يكون السوبر هيرو لبنته مصدر الامان و الحماية , مصدر الثقة

اي حاجة عايزة تعرفها تفهمها تكون عن طريقك , اي كلمة حلوة البنت تسمعها لازم تكون سمعتها من الاب قبل اي حد

ما هي لو سمعت كلمات المدح اول مرة في حياتها من شخص غريب هتكون في قمة السعاده و الخجل و يتولد عندها احاسيس لاول مرة تحس بيها

انما لو اي كلمة هتسمعها من اي غريب مش هيكون تاثيرها عليها بالقوة دي لو اصلا بتسمعها و متعوده عليها من مثلها الاعلي و السوبر هيرو بتاعها ابوها

مش عيب ان الاب يدلع بنته بالعكس ده بيديها ثقة بالنفس و يدعمها نفسياً

نرجع لاحلي و اوحش يوم

يوم ما بنته تتجوز و يحس انه ادي رسالتة و سلمها لجوزها علشان كده بيكون احلي يوم

يوم ما بنته اللي اتولدت و اخدها في حضنه من اول يوم لولادتها و عاش معاها كل مراحل حياتها , اول مرة تتكلم , اول مرة تمشي اول يوم مدرسة اول مرة في كل حاجة و فضلت تكبر قدامه و خلاص هتسيب البيت علشان تروح لجوزها و تستقل بحياتها علشان كده بيبقي اوحش يوم

احاسيس متضاربة من الفرحة والحزن في نفس الوقت من التوتر و الراحة في نفس الوقت

و اكتر من عبر عن هذه الاحاسيس اغنية مدحت صالح بنتي و حبيبتي إالي غناها فى مسلسل ابو العروسه

رساله الي كل أب

لما تيجي تختار عريس لبنتك, بلاش يكون تقييمك بالفلوس بس, الفلوس مش بتعمل رجاله, الرجاله هي الي بتعمل فلوس

إختلر راجل بمعني الكلمه, اختاره باخلاقه, بأصله, بنجاحه و طموحه.

و بلاش نمشي ورا (مايعبش الراجل إلا جيبه )

شوفه فى عصبيته بيتصرف أزاي , عشان يوم ما يحصل خلافات تعرف انه حايحافظ علي البنت مش حايشتمها و يبهدلها و يضربها

عشان المشاكل حاتحصل حاتحصل

المهم يكون العريس عند اخلاق

عشان بنتك تعيش حياه أفضل

تامر الفقي